2025-2026 оқу жылына 1-сыныпқа қабылдау

«Білім туралы» Қазақстан Республикасы Заңының 31-бабына сәйкес, Қазақстан Республикасы Білім министрлігінің 2023 жылғы 7 тамыздағы No248 бұйрығымен 2025-2026 оқу жылында 1-сыныпқа қабылдау үшін құжаттарды қабылдау 1 сәуірде басталып, ағымдағы жылдың 31 тамызына дейін жалғасады.
1-сыныпқа 6 жастағы балалар және ағымдағы күнтізбелік жылда алты жасқа толған балалар қабылданады.
Осакаров ауданындағы мектептерде 1-сыныпқа қабылдау «egov.kz» электронды үкімет порталы арқылы жүзеге асырылады.
Биылғы жылы баласын бірінші сыныпқа жібергісі келетін ата-аналар (заңды өкілдер) 2025 жылғы 1 сәуір мен 31 тамыз аралығында «egov.kz» порталына кіріп, өтініш беруі қажет.
Өтініш болашақ бірінші сынып оқушысының ата-анасының (заңды өкілінің) электрондық цифрлық қолтаңбасын (ЭЦҚ) пайдалана отырып, кез келген компьютерден немесе гаджеттен беріледі.
Өтінім беру үшін қажетті құжаттар:
1.) 3х4 см өлшемдегі баланың сандық фотосуреті.
2.) 052-2/у «Баланың денсаулығы паспорты» анықтамасының электрондық көшірмесі;
3.) 065/у «Профилактикалық егу картасы» сертификатының электрондық көшірмесі.
4) Ерекше білім беру қажеттіліктері бар балаларға арналған педагогикалық-медициналық-психологиялық комиссияның (ПМПК) қорытындысы (қажет болған жағдайда).
Осы мемлекеттік қызметті алу кезінде сұрақтар туындаған жағдайда ата-аналар (заңды өкілдер) тұрғылықты жері бойынша білім беру ұйымына, сондай-ақ «электрондық үкіметтің» «egov.kz» call-орталығына 1414 телефоны арқылы хабарласа алады.
Ата-аналар (заңды өкілдер) тізбе бойынша құжаттардың толық емес топтамасын және (немесе) қолданылу мерзімі өтіп кеткен құжаттарды ұсынған жағдайларда мектеп өтінішті қабылдаудан бас тартады.
Ата-аналарға (заңды өкілдерге) 1-сыныпқа қабылдау туралы ақпарат «Ақмола облысының білім бөлімі, Бұланды ауданы бойынша білім беру бөлімі, Иванковка ауылының бастауыш мектебі» КММ-нің Facebook және Instagram парақшаларында жарияланған.